ഭയം
ഭയമാണെനിക്കിന്ന്
മഴയെപ്പുകഴ്ത്തുവാന്‍.
കരിമ്പനത്തലപ്പില്‍
മുടിയാട്ടമാടുന്ന കാപാലിക-
യാണെനിക്കിന്ന് കര്‍ക്കിടകം.
ഇടിവെട്ടിലുലയുന്ന
പഴയൊരാ വീടിന്റെയോര്‍മ്മകള്‍
പേമാരിയായെന്റെയുള്ളിലും
പ്രചണ്ഡമായ് പെയ്യുന്നു!
ഉമ്മാറക്കോണിലെ വന്‍‌മരം
തലയറഞ്ഞുലയുമ്പോള്‍
ദൂരെയാണെങ്കിലും
പൊട്ടിച്ചിതറുന്നൊരായിരം
കൊള്ളിയാനിന്നെന്റെയുള്ളിലും.
ചെങ്കല്ലിന്‍ ഭിത്തിയിലൂര്‍ന്നി‌റങ്ങുന്ന
ഹൃദയരക്തം പോലെ
ചുവന്ന നീര്‍ച്ചാലുകള്‍,
ഭയമാണെനിക്കിന്ന്
കര്‍ക്കിടകത്തെക്കുറിച്ചോര്‍ക്കുവാന്‍!
അലറിക്കരഞ്ഞുകൊണ്ടുമ്മറ-
പ്പടിയെ തഴുകിയൊഴുകുന്ന
മലവെള്ളപ്പാച്ചിലിന്‍
നടുക്കുന്ന ഓര്‍മ്മകള്‍.
ആര്‍ത്തിരമ്പുന്നൊരാ
പെരുമഴക്കൊപ്പം ക്രുദ്ധനായ്
മുരളുന്നുവോ മലമുടി?
കാറ്റിലുലയുന്ന തെച്ചിയില്‍
വീണ് പോകാതെ തന്‍ മക്കളെ
ചിറകിലൊളിപ്പിക്കുവാന്‍
പിടയ്ക്കുന്ന പൈങ്കിളി.
പേടിച്ചരണ്ടൊരെന്‍ കുഞ്ഞിനെ
നെഞ്ചോട് ചേര്‍ത്താശ്വസിപ്പിക്കാന്‍
കഴിയാതെ തേങ്ങുന്നൊരെന്‍
സഖിയെയോര്‍ക്കുമ്പോള്‍
ഭയമാണെനിക്കിന്ന്
മഴയെ പുകഴ്ത്തുവാന്‍!
മഴയെപ്പുകഴ്ത്തുവാന്‍.
കരിമ്പനത്തലപ്പില്‍
മുടിയാട്ടമാടുന്ന കാപാലിക-
യാണെനിക്കിന്ന് കര്‍ക്കിടകം.
ഇടിവെട്ടിലുലയുന്ന
പഴയൊരാ വീടിന്റെയോര്‍മ്മകള്‍
പേമാരിയായെന്റെയുള്ളിലും
പ്രചണ്ഡമായ് പെയ്യുന്നു!
ഉമ്മാറക്കോണിലെ വന്‍‌മരം
തലയറഞ്ഞുലയുമ്പോള്‍
ദൂരെയാണെങ്കിലും
പൊട്ടിച്ചിതറുന്നൊരായിരം
കൊള്ളിയാനിന്നെന്റെയുള്ളിലും.
ചെങ്കല്ലിന്‍ ഭിത്തിയിലൂര്‍ന്നി‌റങ്ങുന്ന
ഹൃദയരക്തം പോലെ
ചുവന്ന നീര്‍ച്ചാലുകള്‍,
ഭയമാണെനിക്കിന്ന്
കര്‍ക്കിടകത്തെക്കുറിച്ചോര്‍ക്കുവാന്‍!
അലറിക്കരഞ്ഞുകൊണ്ടുമ്മറ-
പ്പടിയെ തഴുകിയൊഴുകുന്ന
മലവെള്ളപ്പാച്ചിലിന്‍
നടുക്കുന്ന ഓര്‍മ്മകള്‍.
ആര്‍ത്തിരമ്പുന്നൊരാ
പെരുമഴക്കൊപ്പം ക്രുദ്ധനായ്
മുരളുന്നുവോ മലമുടി?
കാറ്റിലുലയുന്ന തെച്ചിയില്‍
വീണ് പോകാതെ തന്‍ മക്കളെ
ചിറകിലൊളിപ്പിക്കുവാന്‍
പിടയ്ക്കുന്ന പൈങ്കിളി.
പേടിച്ചരണ്ടൊരെന്‍ കുഞ്ഞിനെ
നെഞ്ചോട് ചേര്‍ത്താശ്വസിപ്പിക്കാന്‍
കഴിയാതെ തേങ്ങുന്നൊരെന്‍
സഖിയെയോര്‍ക്കുമ്പോള്‍
ഭയമാണെനിക്കിന്ന്
മഴയെ പുകഴ്ത്തുവാന്‍!
കൊള്ളാം...താളത്തിനു വേണ്ടി ശ്രമിക്കുമ്പോൾ
കവിതയുടെ സ്വാഭാവികമായ ഒഴുക്ക് നഷ്ടപ്പെട്ടപോലെ തോന്നി...
പ്രിയ രഞ്ജിത്,
കവിതയെഴുതാന്‍ ഒരു സാഹസം കാട്ടിയതാണ്, എന്റെ മേഖല അല്ല എന്ന് അറിഞ്ഞ് കൊണ്ട് തന്നെ.
സ്നേഹം,
അനില്‍.